Hvað er Bitcoin

Bitcoin er í senn þrír hlutir. Bitcoin er greiðslumiðlunarkerfi, sem notar internetið til að millifæra eininguna Bitcoin, sem er myntin. Að sama skapi er Bitcoin einnig dreifður gagnagrunnur um millifærslur og þau gögn sem fylgja millifærslum. Bitcoin þarf ekki banka eða aðra milliliði til að senda verðmæti á milli aðila. Greiðslumiðlunarkerfið er dreift, “decentrilized”, sem þýðir að margir aðilar sjá um að halda utan um greiðsluhirðingu. Greiðslumiðlunarkerfið nýtir því alla sem halda kerfinu uppi, með reikniafli tölva, til að koma millifærslum á milli aðila. Því er í raun ekki einn aðili sem notendur Bitcoin þurfa að treysta á til að eiga viðskipti, heldur þarf bara að treysta því að einhver sé að halda uppi netkerfinu.

Seðlabankar og aðrir bankar geta ekki búið til meira af Bitcoin, heldur fá þeir aðilar sem halda uppi greiðslumiðlunarkefinu, kallað námuvinnsla, nýja Bitcoin mynt í verðlaun fyrir að sinna greiðsluhirðingu. Núna fá námuvinnslu aðilar 12.5 Bitcoin á u.þ.b. 10 mínútu millibili í verðlaun fyrir hverja blokk sem þeir finna í keðju Bitcoin. Á hverjum 4 árum helmingast svo verðlaunin og verður síðasta myntin unnin með námuvinnslu í kringum árið 2140, þegar endanlegt upplag Bitcoin nær hámarki 21.000.000 einingar. Eftir þann tíma eins og nú getur námuvinnsla fjármagnað sig með þóknunum af millifærslum fyrir að halda uppi greiðslumiðlunarkerfinu. 

Vegna þess að myntin hefur takmarkað upplag en samt stöðug og fyrirsjáanleg aukning til langs tíma, þýðir að verðbólga í myntinni er fyrirsjáanleg, þ.e. mikil í upphafi en nánast engin þegar fram líða stundir.